Trajneri i Interit, Hose Murinjo ka bërë të ditura disa gjëra të cilat janë të nevojshme për të dhe për lojtarët e tij për përparimin e mëtejshëm të skuadrës. Murinjo ka thënë se e ardhmja e tij është e lidhur ngushtë me Interin, të cilin klub ai nuk e ka ndërmend ta braktis.
"Parësore është të përmirësojmë kushtet e punës sonë, veçanërisht kjo ka të bëjë me fushën për stërvitje. Futbollistët do të japin më shumë nga vetja nëse do të kemi fusha të reja për stërvitje. Po ashtu, ka vend për përmirësime edhe në vet përbërjen e skuadrës, kurse edicionin e ardhshëm rastin për të luajtur do ta kenë edhe katër apo pesë futbollistë të ri, si Baloteli apo Santon, pasi ky do të jetë një garanci e mirë për të ardhmen", ka thënë Murinjo, duke shtuar: "E kam të vështirë të punoj me 29 futbollistë, prandaj në verë do të jemi të detyruar të shesim disa prej futbollistëve. Dhe, dua të them edhe diçka - nuk e kam ndërmend të braktis klubin gjatë verës. Nuk jam tip i personit, i cili në një kohë të shkurt arrin rezultate, edhe pse një gjë e tillë më shkoi për dore te Çelzi dhe shpresoj që të më shkoj edhe te Interi. Të gjithë flasin për atë se unë do të largohem nga Interi, por ata duhet të presin qëndrimin tim këtu edhe për së paku katër apo pesë vjet. Unë punoj këtu për të mirën e klubit në të ardhmen, e jo për vetën time